زمان
الموت كان بخوف
شبح تحت التخت
ممنوع افكر فيه
راح اعيش للابد
أو شوي
ماحد بعرف
بس ماحد بحبه راح يموت
المشكلة الكل عم بموت
وين بروحوا؟
بسأل حالي
شوية دموع
شوية استبدال اماكن
للتخيل مش أكتر
مع ابتسامه مغصوبة
اخرتها تصير حقيقية
وبنعيش
اليوم
الموت اشي عادي
عبارة عن مرحلة
حياة جديدة
زي الهجرة
أو بيت جديد
الموت اشي مريح
جنبه ولا شي اله معنى
ليش بنركض؟
خمس صلوات
بدون كذب
بدون اذى
ايمان كتير
و شوية اخطاء
ماحد بجيب علامة كاملة
الله بحبنا
وراح يسامحنا
لانا كتير صغار
مبرمجين عالخطأ
و بنكمل بـبيتنا الجديد
للأبد
و بنكمل بـبيتنا الجديد
للأبد
كل يوم بفكر فيه
مرات بشتقله
..
